ເຫດບ້ານການເມືອງ

ວັນຊາດປີນີ້ກຳນົດເອົາວັນທີ 4 ເພື່ອພັກຊົດເຊີຍ ວັນທີ 2 ທັນວາ 2023

ສຳນັກງານນາຍົກລັດຖະມົນຕີ ອອກແຈ້ງການກຳນົດວັນຈັນ ທີ 4 ທັນວາ 2023 ເປັນວັນພັກຊົດເຊີຍວັນຊາດທີ 2 ທັນວາ 2023. (ລາຍລະອຽດຢູ່ໃນແຈ້ງການ)
ເຫດບ້ານການເມືອງ

ເຫດດ່ວນ ເກັບກູ້ຊາກລົດໄດ້ແລ້ວ ແຕ່ຍັງບໍ່ເຫັນຄົນໃນລົດ

ໃນວັນທີ 18/11/23 ເວລາ 03:57 ນາທີ ເຈົ້າໜ້າທີ່ໄດ້ຮັບການແຈ້ງເຫດດ່ວນຈາກ ປະຊາຊົນວ່າ ມີລົດເກງ ແຄມເມີລີ່ ສີຂາວ ກຳລັງມຸງໜ້າຂຶ້ນເໜືອທາງວຽງຈັນ ໄດ້ຕົກລົງທີ່ຂົວນໍ້າໂດນ ເມືອງ ທ່າແຂກ ແຂວງ ຄຳມ່ວນ ຫຼັງຈາກນັ້ນ ເວລາ 8ໂມງເຊົ້າເຈົ້າໜ້າທີ່ທີ່ເຮັດການຊອກຫາຈຶ່ງໄດ້ພົບ ຊິ້ນສ່ວນດ້ານໜ້າຂອງລົດຄັນດັ່ງກ່າວ ມີປ້າຍທະບຽນ ນຂ 8898 ນະຄອນຫຼວງວຽງຈັນ ສ່ວນໂຕລົດ ແລະ ບຸກຄົນພາຍໃນລົດຍັງພົບ ແລະ ຊາບຊັດເຈນວ່າມີຈຳນວນຈັກຄົນທີ່ເດີນທາງຮ່ວມກັນ ປະຈຸບັນເຈົ້າໜ້າທີ່ກຳລັງເກັບກຳຂໍ້ມູນເພື່ອຊອກຫາເຈົ້າຂອງລົດຄັນດັ່ງກ່າວ ປະຈຸບັນແມ່ນພົບຊາກລົດແລ້ວແຕ່ບໍ່ພົບຄົນຂັບລົດ ແລະ ໄດ້ນຳລົດຂຶ້ນມາແລ້ວຂໍ້ມູນເບື້ອງຕົ້ນພົບວ່າຄົນຂັບເປັນເພດຊາຍ ຢູ່ເມືອງຍົມມະລາດ ແຂວງຄຳມ່ວນ
ເສດຖະກິດ ແລະ ການເມືອງ

ລັດຖະບານຕັ້ງເປົ້າອອກທະບຽນທີ່ດິນ 220,000ຕອນ ໃນປີ 2023

ໝົດປີ 2023 ນີ້ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຕັ້ງເປົ້າຂຶ້ນທະບຽນໃບຕາດິນໃຫ້ໄດ້ 220.000 ຕອນ ຫຼື ເທົ່າ ກັບ 55% ຂອງແຜນການປີ. ຜ່ານມາຈັດຕັ້ງປະຕິບັດຂຶ້ນທະບຽນອອກໃບຕາດິນ ໄດ້ພຽງແຕ່ 110.262 ຕອນ (ຂໍ້ມູນ ວັນທີ 23/10/2023) ເທົ່າກັບ 27.50 % ຂອງແຜນການປີ (400.000 ຕອນ) ເຊິ່ງ ຕົວເລກສໍາມະໂນຕອນດິນ ທີ່ເຮົາເກັບກໍາໄດ້ທັງໝົດໃນທົ່ວປະເທດ ມີທັງໝົດ 3 ລ້ານກວ່າຕອນ, ຂຶ້ນທະບຽນອອກໃບຕາດິນສໍາເລັດແລ້ວ 1,5 ລ້ານກວ່າຕອນ, ຍັງປະມານ 1,6 ລ້ານຕອນ ຈຶ່ງເປັນຄາດໝາຍສູ້ຊົນ ຢາກໃຫ້ສໍາເລັດໃນປີ 2025. ການຈັດຕັ້ງປະຕິບັດຕົວຈິງ ເຄິ່ງສະໄໝ (2021-2025) ສາມາດຂຶ້ນທະບຽນອອກໃບຕາດິນໄດ້ 335.455 ຕອນ ຫຼື ປະມານ 21% ຂອງ ແຜນການ 5 ປີ ທ່ານ ນາງ ບຸນຄໍາ ວໍລະຈິດ ລັດຖະມົນຕີກະຊວງຊັບພະຍາກອນ ທຳມະຊາດ ແລະ ສິ່ງແວດລ້ອມ ທີ່ໄດ້ຊີ້ແຈ້ງຕໍ່ຄຳຊັກຖາມຂອງ ສສຊ ໃນກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ IX ໃນວັນທີ 6 ພະຈິກ ຜ່ານມາວ່າ: ລັດຖະບານ, ອົງການປົກຄອງທ້ອງຖິ່ນ ກໍຄື ຂະແໜງ ຊສ ກໍໄດ້ເອົາໃຈໃສ່ ໃນການສືບຕໍ່ສູ້ຊົນ, ແກ້ໄຂບັນຫາທີ່ເປັນອຸປະສັກ ໂດຍອີງໃສ່ທ່າແຮງ ແລະ ຄວາມສາມາດຕົວຈິງ, ພາຍໃຕ້ການສະໜັບສະໜູນ ແລະ ການຮ່ວມມືຂອງຫຼາຍພາກສ່ວນ. ສະເພາະ, ພາຍໃນກະຊວງ ຊສ ກໍໄດ້ດໍາເນີນມາດຕະການດັ່ງນີ້: 1) ແຕ່ງຕັ້ງຄະນະຮັບຜິດຊອບ 10 ຄະນະ, ປະກອບມີຄະນະກົມ ແລະ ວິຊາການຂອງກົມທີ່ດິນ ເພື່ອລົງຊຸກຍູ້ ການປັບປຸງວຽກງານຄຸ້ມຄອງທີ່ດິນ ແລະ ຂຶ້ນທະບຽນອອກໃບຕາດິນ ຢູ່ທຸກໆແຂວງໃນຂອບເຂດທົ່ວປະເທດ; 2) ເອົາໃຈໃສ່ ຜັນຂະຫຍາຍນິຕິກໍາລຸ່ມກົດໝາຍ ໃຫ້ຄົບຊຸດ ເພື່ອເປັນບ່ອນອີງໃຫ້ແກ່ການຂຶ້ນທະບຽນອອກໃບຕາດິນ ໂດຍສະເພາະ ທີ່ດິນປ່າໄມ້; 3) ຊຸກຍູ້ ອົງການປົກຄອງແຂວງ ແລະ ເມືອງ ໃນການສ້າງ ແລະ ປະກອບແຜນການນໍາໃຊ້ງົບປະມານເພື່ອຂຶ້ນທະບຽນອອກໃບຕາດິນ; 4) ເລັ່ງການຈັດຊື້ ແລະ ປະກອບອຸປະກອນ ໃຫ້ກັບໜ່ວຍງານຂຶ້ນທະບຽນອອກໃບຕາດິນຂອງເມືອງ ຕາມງົບປະມານຂອງໂຄງການ ແລະ ງົບປະມານທີ່ໄດ້ຮັບອະນຸມັດຈາກລັດຖະບານ ໃຫ້ສໍາເລັດໃນເດືອນພະຈິກ 2023 ນີ້; (ບາງອົງການປົກຄອງທ້ອງຖິ່ນ ກໍໄດ້ບິແບ່ງງົບປະມານຂອງແຂວງຕົນ ຊ່ວຍຈັດຊື້ອຸປະກອນ, ຈັດສັນທີ່ດິນ ແລະ ການປັບປຸງຫ້ອງການເມືອງ); 5) ສືບຕໍ່ປະສານສົມທົບ ກັບກະຊວງ/ຂະແໜງການກ່ຽວຂ້ອງ ໃຫ້ມີສ່ວນຮ່ວມໃນການຈັດສັນທີ່ດິນ ແລະ ຂຶ້ນທະບຽນອອກໃບຕາດິນ; 6) ເປີດໃຫ້ພາກສ່ວນເອກະຊົນ ມີສ່ວນຮ່ວມໃນວຽກງານສໍາຫຼວດ ວັດແທກທີ່ດິນ ແລະ ການຫັນເປັນທັນສະໄໝ; 7) ເຜີຍແຜ່ ແລະ ປູກຈິດສໍານຶກໃຫ້ກັບປະຊາຊົນ ທີ່ຢູ່ໃນບ້ານຫ່າງໄກສອກຫຼີກ ຮ່ວມມືເຂົ້າຮ່ວມໃນຂະບວນການຂຶ້ນທະບຽນອອກໃບຕາດິນ;  ປະສານສົມທົບກັບອົງການປົກຄອງທ້ອງຖິ່ນ ໃນການມອບວຽກ ຂຶ້ນທະບຽນອອກໃບຕາດິນ ແລະ ຈົດທະບຽນປ່ຽນແປງສິດນໍາໃຊ້ທີ່ດິນ ຈາກຂັ້ນແຂວງ ໃຫ້ຂັ້ນເມືອງ ໃຫ້ສໍາເລັດ. ທີ່ມາ: ຄັດຈາກ ໜັງສືພີມວຽງຈັນທາມ
ເສດຖະກິດ ແລະ ການເມືອງ

ລັດຖະບານສະວິດ ໃຫ້ທຶນຊ່ວຍເຫຼືອແກ່ໂຄງການຄຸ້ມຄອງທີ່ດິນ ແລະ ການລົງທຶນແບບຍືນຍົງແກ່ຊີວິດການເປັນຢູ່

ກະໍວງກະສິກຳ ແລະ ປ່າໄມ້ ແລະ ອົງການຮ່ວມມືສະວິດ ໄດ້ລົງນາມເຊັນສັນຍາເພື່ອການພັດທະນາໂຄງການຄຸ້ມຄອງທີ່ດິນ ແລະ ການລົງທຶນແບບຍືນຍົງສຳລັບຊີວິດການເປັນຢູ່ທີ່ຍືດຍຸນຕໍ່ກັບການປ່ຽນແປງດິນຟ້າອາກາດ ໂຄງການດັ່ງກ່າວມີຊື່ຫຍໍ້ວ່າ SLMIC ມີເປົ້າໝາຍເພື່ອຊ່ວຍລັດຖະບານແຫ່ງ ສປປ ລາວ ໃນການຍົກສູງການຄຸ້ມຄອງທີ່ດິນ, ສົ່ງເສີມການລົງທຶນທີ່ມີຄຸນນະພາບ, ຍົກສູງຄວາມຮູ້ ແລະ ຂີດຄວາມສາມາດ, ຂະບວນການ ເພື່ອຜົນປະໂຫຍດຂອງຊຸມຊົນທີ່ມີຄວາມສ່ຽງສູງ ແລະ ເປັນການສະເຫຼີມສະຫຼອງຄົບຮອບຄົບຮອບ 60ປີ ຂອງການສ້າງຕັ້ງສາຍພົວພັນການທູດ ລະະຫວ່າງ ສປປ ລາວ ແລະ ສະຫະພັນສະວິດ ໃນວັນທີ 3 ພະຈິກ 2023 ໄດ້ມີການເຊັນສັນຍາໂຄງການຮ່ວມມືຢ່າງເປັນທາງການຂຶ້ນທີ່ ກະຊວງກະສິກຳ ແລະ ປ່າໄມ້ ນະຄອນຫຼວງວຽງຈັນ ໂດຍແມ່ນທ່ານ ເພັດ ພົມພິພັກ ລັດຖະມົນຕີ ກະຊວງກະສິກຳ ແລະ ປ່າໄມ້ ກັບ ທ່ານ ເປໂດຣ ວາສ໌ເລັນ (Mr Pedro Zwahlen ) ເອກອັກຄະລັດຖະທູດ ປະເທດສະວິດ ປະຈຳຣາຊະຈັກໄທ, ກຳປູເຈຍ ແລະ ສປປ ລາວ ເຂົ້າຮ່ວມ ເຊິ່ງສັນຍາດັ່ງກ່າວມີມູນຄ່າ 4,5 ລ້ານໂດລາສະຫະລັດ ເພື່ອການສະໜັບສະໜູນການສົ່ງເສີມການຄຸ້ມຄອງທີ່ດິນ ແລະ ການລົງທຶນທີ່ຍືດຍຸນຕໍ່ກັບການປ່ຽນແປງດິນຟ້າອາກາດ ທ່ານ ເພັດ ພົມພິພັກ ໄດ້ກ່າວວ່າ: ໂຄງການດັ່ງກ່າວນີ້ແມ່ນສອດຄ່ອງກັບຍຸດທະສາດການພັດທະນາກະສິກຳ ຮອດປີ 2025 ແລະ ວິໄສທັດ 2030 ຂອງ ລັດຖະບານ ເຊິ່ງໄດ້ມີຄວາມສຳຄັນຕໍ່ການຄຸ້ມຄອງທີ່ດິນ ແລະ ລົງທຶນທີ່ຍືນຍົງ ສຳລັບຊີວິດການເປັນຢູ່ທີ່ຍືດຍຸ່ນຕໍ່ກັບການປ່ຽນແປງຂອງດິນຟ້າອາກາດ ແລະ ຕໍ່ກັບການພັດທະນາເສດຖະກິດ-ສັງຄົມ, ການຮັບປະກັນໃນການຄຸ້ມຄອງທີ່ດິນທີ່ຍືນຍົງຂອງປະເທດ